Прэзідэнт Беларусі Аляксандр Лукашэнка 2 красавіка здзейсніў рабочую паездку ў Гродна.

 Прэзідэнт Беларусі Аляксандр Лукашэнка 2 красавіка здзейсніў рабочую паездку ў Гродна.

Кіраўнік дзяржавы прыбыў да месца будаўніцтва новай гарадской бальніцы на праспекце Я.Купалы ў Гродне, дзе заслухаў даклад Міністра аховы здароўя Аляксандра Хаджаева.

Прэзідэнту было даложана аб сацыяльна-эканамічным развіцці Гродзенскай вобласці. Губернатар Уладзімір Каранік падкрэсліў, што ў рэгіёне выкананы ўсе сацыяльныя абавязацельствы, рост намінальнай заработнай платы за 2023 год склаў 18 працэнтаў, за студзень - люты гэтага года перасягнуў 19 працэнтаў, а рост валавога рэгіянальнага прадукту амаль дасягнуў 8 працэнтаў. "Далейшае развіццё рэгіёну немагчыма без інвестыцый, таму ў Гродзенскай вобласці рэалізуецца 114 праектаў", - сказаў старшыня Гродзенскага аблвыканкама. Паводле яго слоў, у рамках даручэння Прэзідэнта "Адзін раён - адзін праект" зацверджаны 21 праект, яны знаходзяцца ў розных стадыях рэалізацыі. Працягваецца будаўніцтва і мадэрнізацыя многіх сацыяльных аб'ектаў, у ліку якіх школы, анкадыспансер.

 У час рабочай паездкі Аляксандр Лукашэнка прыняў удзел ва ўрачыстай цырымоніі закладкі капсулы на месцы будаўніцтва новай гарадской бальніцы ў Гродне.

 Кіраўнік дзяржавы адзначыў, што своеасаблівым пасланнем нашчадкам з'яўляецца не толькі тэкст, змешчаны ў капсулу, але і ўсе тыя шматлікія аб'екты, якія створаны, пабудаваны і мадэрнізаваны за гады незалежнасці. "Гэта пасланне ў будучыню", - сказаў ён. "Мы хочам, каб беларусы жылі, заводзілі сем'і, вучыліся, працавалі, адпачывалі ў прыгожых, утульных і камфортных гарадах і сёлах. Робім усё, каб у кожнага была магчымасць атрымаць перш за ўсё дастойную адукацыю", - адзначыў Прэзідэнт. "Клопат аб дзецях, унуках, усіх, хто прадоўжыць наш род, усіх, хто прыйдзе пасля нас, - вось сутнасць сённяшняга моманту і сутнасць ідэі сённяшняга мерапрыемства", - падкрэсліў Аляксандр Лукашэнка.

 У рамках рабочай паездкі ў Гродна Аляксандр Лукашэнка таксама наведаў вытворчую пляцоўку "Аульс" ААТ "Гродзенскі шклозавод".